S’dalin fjalët e Kurtit për programin qeverisë, nga “javën pas kthimit nga Brukseli” në “javët në vazhdim”

00:29 | 7 Maj 2021
Trina Galanxhi

Deputeti i Vetëvendosjes, Arbër Rexhaj, në emisionin DPT te Fidani në T7, ka thënë se programi qeverisës i Qeverisë Kurti 2 do të publikohet në javët që do të vijnë, shkruan Express.

“Programi qeverisës do të publikohet në javët që do të vijnë”, është shprehur Rexhaj.

Kujtojmë se kryeministri Kurti pati premtuar se programi qeverisës do ta paraqitet në Kuvend, në javën vazhduese pasi të kthehet nga Brukseli.

“Menjëherë pasi të kthehem nga Brukseli javën tjetër, ne do të paraqesim programin në Kuvend për miratim dhe do të fillojmë agjendën tonë transformuese”, ka shkruar Kurti në Twitter.

Java e kthimit nga Brukseli ka kaluar, ndërkohë që Kurti ende nuk ka paraqitur programin qeverisës.

Pra, nga java e kthimit nga Brukseli, deputeti i VV’së thotë se programi qeverisës do të prezantohet në javët në vazhdim./Express/

Shpërndaje në rrjete sociale

Lajmet më të lexuara

Të ngjashme

Foto lajm